Saath Adhoora

Khayal panpa hai aaj dil me kuch kah jaoon,

                   Jajbaton ne saath chod diya.

Gila hai apnon se mujhe ,

                   Shikwon ne saath chod diya.

Hoonk uthi ki bataoon raj apne dil ka kisi ko,

                   Lavjon ne saath chod diya...

Mashroof hoon mein apni duniya me is kadar,

                   Kareebi ne saath chod diya.

Chal padi thi me manjil pane ke liye

                   Raaston ne saath chod diya.

Bahana tha naploon duniyan ko apne iradon se,

                   Kadmon ne saath chod diya...

Sapnon ka gulshan hai mera jahan,

                   Gulzar ne saath chod diya.

Le rahi hai hiloren jindagi ki tarange,

                   Saahilon ne kareeb aana chod diya.

Mahsoos karti hoon khud ko akela,

                   Ab to tanhai ne bhi saath chod diya

Vajood...

Hazaron me hokar bhi khud se juda hoon,per wo pehchan kahan se laoon?

Chahat to Hai char pal jee loon,Per in palonn me jindagi kahan se laoon?

Aaj dil kuch likhne ko betab hai,Per wo amitt cyaahi kahan se laoon?

Kuch kureda to apne dil ko hai,Per sab kuch kah jane wale wo shabd kahan se laoon?

Shabdon ki gahrai ko khangala to hai,Per wo kissa kahan se laoon?

Kisse afsane to yunhi ban jate hai,Per un afsanon ke kirdar kahan se laoon?

Kirdar!!! Kirdar  to halation ki kadputli hai,Per kudputli ki dor kahan se laoon?

Iss dor se bandhi Patang to meri jindagi hai,Kat jaye to dhoondh kar kahan se laoon?