koi to ho, jiski awaz ho aur shabd geeton me badal jaye
koi to ho, jiski yaadein ho aur hothon pe muskurahat cha jaye...
Koi to ho, jiski sargam ho aur payal ki khanak jhankar ho jaye
koi to ho, jiski chahatein ho aur fiza rangeen ho jaye
Koi to ho, jiski nazarien inayat ho aur ye kaya uski khushboo se mahak jaye...
Koi to ho, jiski baat ho aur man khushi se jhoom jaye
Koi to ho, jiski baahein ho aur meri ummeedon ko sirana mil jaye
koi to ho, jiski parchai ho aur meri pehchan mujhse ru-baru ho jaye...
