A wishful Promise to urself equals Dream or Achievment ....
Odhli fir se safed chaadar,is mausam ne
Angdai le rahi thithuran fir se bahar aane ko,
Ek damakti si shanti is safedi ki, kah rahi yun bebak na ghuma karo in galiyon mein...
Hasratein poori na hone se , haunsle na hue hain kam
Dekha un raston ko dobara, to manjil se faansle fir hue hain kam..
ek nayi soch, ek nayi tahjeeb, chal padi fir usi dagar
Bekhauf iraade , mode hain raahon ko sahilon ke nagar....
EK mod zindagi mein aake thahra,,aashaon ka samundar jo meri soch ki tarah gahra.
ek din ka antral,hazaron meelon ka safar,,pankh laga ke armanon ko,sapnon ki kashti pe hoke sawar.
udta ye badal le chala mujhe us paar,,chod ke meri duniya basi jo is paar.
Jajbon ki neenv tale,wo sapnon ki buniyadein,,aadhar bana meri pehchan ka, saath me baandhe apnon ki yaadien...... just moved on
Ek lambi sadak, jiska nahi koi oor chor,
Kahti hai chal de ab aar ya paar
Jahan raahein le jaye tujhe, manjilein pukare tujhe,
Per koi nahi hai in manjilon ka sani,aaj hai kal ho jayengi aani jani…
Jab tak na dhoondhoon koi paraya, lage sab apna hi hai…
Jo mere kadamon ke saath humkadam ho liya, bas wo apna hi hai…
bahut kuch kahna hai,kahte hue shabd bahak jate hai
shabdon pe kaboo kiya to, soch bahak gayi...
kahna chahti thi,wo andaz bahak gaya..
aks mera dhoonde chali thi,per yahan mera saya hi bahak gaya......
Ehsaas mein ek tharaav sa hai, kuch door chal kar ruk gayi hai,
Uss paar ya iss paar ki kash-m-kash hai, mehsoos karke saham gayi hai,
Lahron se khelne ki chah thi jiski, kinaron ke kankar ke khel pe simat gayi hai,
ek kahani poori karne ki zadd -o- jahat mein, peeche kai sire khule chod gayi hai.....
Na jane kin palon ka shukrana ho tum,
Tham le jo sahilon ko, un koshishon ka kinara ho tum,
Tera wajood hai meri chaon sa, ki meri har dhoop ka fiqrana ho tum,
kahte hai Maa tumko, inayat us khuda ki, mere pass uska najrana ho tum.....
shariifon ki sharaft bhi jo na kah payi, wo sharabi ka ladakpan bayan kar gaya
katal karke bhi jo maut na aa payi, wo baaton ke khajar se hi maar gaya
malham bhi jo sukoon ki rahat na de payi, wo thokar ka dard dilasa de gaya
khawon ki hakikat jo ru-ba-ru na kara payi, wo ek anjan aahat ka sila ho gaya....
Ehsaas pani ke tharav sa, ek halchal ke baad tham sa gaya hai wo
Kash-m-kash iss paar ya us paar ki, mehsoos karke saham sa gaya hai wo
Laharon se kadam milane ki chahat to thi, kinare ki ret pe hi simat gaya hai wo
Kankad ka khawb to hai tairne ka, choo ke nadi ko ek baar fir doob gaya hai wo
