Na kissa hai na kahani

Na kissa hai na Koi kahani,

Na hai in shabdon ki Koi Jubani.

man ki hoonk hai ya ehsaas,

Ya hai Koi tana bana .

Ik pal me man mein hai aur doosre pal aankhon se bah jana...

Odhli hai chadar aur  ander hi ander hai cheekhna chillana,

Dabi hui  awaz mein bhi Wo sugbugahat ka sun Jana.

Bekar ki thi ye tamanna meri,

Aisa na Koi apna hai na begana...

Ashk ko moti samjha diya,

Aisa tha rishton ka jhutlana.

Khud ko maan baithi , is duniya se anjana.

Rishton ke karobaar mein , in motiyon ka na bik pana.

Jaan gayi hoon main, Betarteeb tha mera bahak Jana.

Rishte, falsafon se dil laga baithi

Shayad yahi hota hai nashe ka Chad jana...

Zindagi ka inhi chaubaron se har roz gujar Jana .

Pal dobhar ki sajhedari ke baad , baar baar thokar khana.

Shaam hui aur unhi dillagi ki aur kadamon ka bade chale Jana...

Ye Na kissa hai na kahani, bas mera aur shabdon ka hai tana bana.......

Uljhan...

Halat hain ya jajbat ab samajh nahi aata
Lachariyon se bad pane ka mukam najar nahi aata

Do dor hai meri patang(jeevan) ki, ek is ore ek us ore
Milane ki koshish me aapas me hi ulajh gayi
jisko kheenchoo usko kho doon, yahio dar hai mujhko satata
suljhane ka unko koi raasta najar nahi aata

manthan hai mera per saar nahi mujhko bhata
amrit to door tak nahi bas vish hi ugallta aata
kaisa ye bojh hai dil pe jo utara nahi jata
suljhane ka unko koi rasta najar nahi aata

ek pratibimb hai to doosra sahara
jis ore jhukoon aadhar najar nahi aata
bebas si khadi hoon kyun koi mujhko samajh nahi pata
suljhane ka unko koi rasta najar nahi aata

vyarth thi meri koshish ab khudko dhandhas bandha liya
nadi k kinare kabhi milte nahi ye jindagi ka saar bana liya
kinaron k beechbahna hi ek raasta samajh aata
suljhane ka unko ab karan najar nahi aata

Maa

Maa tera aangan, teri ye fulwari hum teeno se saji teri ye kyari ! 
tune seencha tune sanjoya , mamta ka ye beez tune boya !
jeevan k har mod ko tune sanwara, dhaal banke har war ko pachada !
teri palkon ki chaanv me pale, aanchal ki dor se bandhe , hum aaj door hai tujhse, per tu har waqt yaad aati hai !
koi rula de, teri manuhar hi hansati hai, koi mushkil pade teri seekh hi kaam aati hai !
teri loriyan, teri kahaniyan aaj bhi gudgudati hai, wo bachpan yaad dilati hai !
sneh se bhari teri god me, teri thanpkiyon k neeche sach me Maa aaj bhi neend sukun ki aati hai !!!!!

Someone special

tu jahan, tu jazbat, tu hai raza khuda ki
tu khawb, tu haqiqat, tu hai pahchan khuda ki

tu dhoop tu saaya, tu hai jannat khuda ki
tu marz, tu dawa, tu hai ibadat khuda ki

tu saaz, tu taal, tu hai jhankar khuda ki
tu geet , tu nazm, tu hai ghazal khuda ki

tu chahat, tu ishq, tu hai mohabbat khuda ki
Tu pyar, tu vishwas, tu hai rahmat khuda ki

humnavan tu mera, meri manzil khuda ki
Kismat pe naaz mujhko, tu inayat khuda ki.....

Incomplete soul...

Ek Hoonk uthi to ,Kalam ki yaad aayi!
Ansoon ki cyahi se fir likhne ki bari aayi!!
Uth chali ye kalam dil ko khangalne!
hilore dete shabd, us kasak ko bahar lane!!

Mana dil ki ye kash-m-kash sambhale nahi smbhalti
Per kore kagaj ko dekhke ye kalam bhi nahi rukti
Aatur hai sab bahar lane ko,bejuban hoke bhi sab kah jane ko

Nadan hai ye jo fir bhool gayi, 
chalne k liye ise fir ek haath ki jaroorat pad gayi...

Jor nahi mera !!

sapnon ki uddan se panpi hai khawishen, in per nahi koi jor mera !

samet to liya hai inhe aanchal me mere , per un koshishon pe nahi koi jor mera !!

khali hai dil ke mahkamein is kadar ki tanhaiyon pe nahi koi jor mera !

simat ke rah gayi hoon khud me  kuch yun ki is khudi pe nahi koi jor mera !!

choona chaoon un aasmon ko, jinki bulandi per nahi koi jor mera !

ek mutthi aasman ka haq to hai , per un kawayadon pe nahi koi jor mera !!

dhoondh rahi hoon un raahon ko is kadar ki faanslon pe nahi koi jor mera!

apne mukam se milne ka yakeen hai kuch yun ki is besabri pe nahi koi jor mera!!

gher liya aaj un yaadon ne fir se , un chahaton pe nahi koi jor mera!!

kabhi jiya karte the hum bhi jindagi, per ab un lamhon pe nahi koi jor mera!

ishq ke falsafon me doobein hai is kadar ki afsaanon pe nahi koi jor mera !

jalti bujhti  hui hasti hai hamari yun ki meri majudagi pe nahi koi jor mera!!

Dhalti shaam ka pitara.......

kyun afsano ke naam nahi hote, 
kyun kahaniyon k anjam nahi hote !!
hote shabd jo in nighaon ke , ikrrar aur inkaar ke bahane nahi hote !!!!

kyun tujhe batlane ke ishaare nahi hote,
Kyun mere aansuon ke tarane nahi hote !!
batla diya hota jo sab,Mere roothne ,tere manane ki koshishon ke mayne nahi hote !!!!

Kyun dil pe kisi ka jor nahi hota,
Kyun tujhe takti nazron ko aaram nahi hota !!
chalak jati jo aankhe , tere mere falsafon ka aagaz nahi hota !!!!

Kyun jawan mahfilon ki shaam nahi hoti,
Kyun tere galiyaron ki kahani aam nahi hoti !!
sila hota jo in ehsaason ka, Rone muskarne ki vajah na hoti !!!!

Kyun Chalkte jam ke paimane nahi hote,
Kyun saare sapne suhane nahi hote !!
rahat milti jo in saanson ko , aahein bharne ke dilase kamyab nahi hote !!!!