Adhoori kahaniyan ka Maksad

Kuch kahaniyan adhoori hi rah jati hai, behtar hai unko poora kiya jaye.adhoora chod dene se har kisi ko dukh hota hai. ye post me us thought ke saath likh rahi hoon jo college se mere dimag me hai. College me bante bigadte rishton ko dekha to ye sab dimag me aaya per kabhi likha nahi.Per aaj mere kuch dost isi mod per hai unhi se inspire hoke likh rhi hoon..

College ka pyar jindagi bhar ka saath bhi ho sakta hai aisa bahut kam log sochte hai.Per jo sochte hai wo college duration me poore dil se nibahte hai lekin college ke baad jab dooriyan badti hai to samay ke saath dheere dheere ye sab dhundhla jata hai..tab ye nadan dil poochta hai, Kya wo pahla pyaar sachcha pyar tha????????

Bhavuk log apne isi Prashn  ko dil se jodte hai aur maan baith te hai haan yahi wo pahla aur aakhiri pyar tha..jisse hi duniya shuru hoti thi aur jisper hi aakar khatam ho jati thi.Uske siva koi aur apna nahi lagta, duniyadari begani lagti hai...shayad shayaron ne aise hi logon ko DEEWANA kaha hai.

Ye ehsas sirf college se hi related nahi hai jindagi me aise kai mod aate hai aur aap kisi ki taraf aakarshit hote ho aur thodi si intimacy use hi aapka sab kuch bana deti hai.Isme kuch galat nahi hai ye shayad sabse jyada sukun dene wala ehsas ho sakta hai aur aapki sabse meethi yaaden bhi isi se judi ho sakti hai.Lekin....

Lekin yaaden yaaden hi rah jayengi aur acha hai ki inhe yaadon me hi kahin kho jane do warna jeena mushkil ho jayega..Zindagi mili hai jeene ke liye ise jiyo ,apne liye jiyo aur jab ye bahut takllef de to doosron ke liye jeekar dekho.Ye ishwar ka aisa aashirwad hai jo usi ki icha se falta foolta hai.Koi prakrati k niyamon se ulta nahi chal sakta aur chalna bhi nahi chaiye.

Wo pahla pyaar jindagi me sakaar nahi ho pata uske kai reasons ho sakte .. parents ki marzi,haalat.. kuch bhi ho sakta hai me unki gahrai me nahi jaungi..

Per in halaton ke saamne khud ko kabhi kamjor nahi padne dena chahiye.Aapko wo nahi mila iska matlab ye nahi ki aap zindagi khatam karne pe utaaroo ho jao..
Mujhe ye sab ajeeb lagta hai jab log aise kadam uthate hai..kyun??
Kya kabhi unhe apne parents ka khyal nahi aata jo unke liye itna kiye,unper kya gujregi??
Aur aisa nahi hai ki jindagi me koi gam aaye kahin nirasha haath lage to jeena chod do..jindagi to chalne ka naam hai..aaj dhoop me chaloge to kal chaanv bhi aayegi ye nishchit hai.Per uske liye dhairyawan bano..apne parents ki aankhon me aansoon ka karan banane ki bajay unki himmat bano ki haan tum itne majboot ho ki zindagi ki kathnaiyaan jhel sakte ho..
Isiliye jindagi tyagna Bad optionnnnnn.............

Ek aur pahloo bhi hai in adhoori kahaniyon ka jo mera maksad hai is post ke jariye aap logon ke saath share karne ka... Jab maa baap apni duhai de kar in kahaniyon ko poora karne ki koshish karte hai lekin kahani ke nayak badal jate hai.Ye koshish thopi hui ho sakti hai lekin aapke aane wale jeevan ko smooth bhi bana sakti hai..chahiye bas to aapki samajh aur vishwas vidhata ki is anokhi karni me.

Mana jisko dil me basa chuke ho uski jagah kisi aur ko dena namumkin hai..per jahan chah hai wahan raah hai.Jo naya aane wala hai jeevan me uske liye kuch aur  nahi to insaniyat ke tahat hi socho...

Pyaar aapne kiya, halaton ne aapko majboor kiya per uski kya galti hai use to aapke liye ishwar ne pasand kiya.Uske saath ab saari jindagi aapko rahna hai uske liye to bafadari banti hai.wo bhi aapke saath kuch sapne sanjoye hoga lekin aap uski bhavnaon ko nahi samjhoge to uska dil bhi to tootega.

Do(2) dil to halaton ne tod diye, per aur do dil aap anjane me lekin jaan boojhkar tod rahe ho.Ye ilzaam aapko sar pe hi aayega aur aana bhi chahiye. Ek baar Apne aap ko wahan rakh kar dekho ki dil tootne ka dard kya hota hai aur iss jagah shayad aapse behtar koi aur samajh bhi nahi sake kyunki aapne dil tootne ka dard mehsoos kiya hai...kahin na kahin aapne bhi us waqt socha hoga ki ishwar ye din kisi ko na dikhaye jaisa mujhe dikhaya per gaur se socho to wahi din aap kisi ko dikha rahe ho,wahi kisi ke dard ka reason aap ban rahe ho.

Me manti hoon jo maine likha har kisi k liye karna possible nahi hai.pahle sab apna sochte hai aur sochna bhi chahiye per pyaar ek ehsas hai jo swarthi insaan ko niswaarthi banata hai,kis aur ke liye uski ichcha se jeena sikhata hai..to bas usi pyaar ki seekh se thode din kisi aur ke liye jee kar dekho,use hi sab kuch man lo. Dekhna ye sab kitni jaldi us dhundhli yaad aur usse hone wale dard ko mita dega aur aapke jeevan ko naye maksad mil jayenge.