Aashayein mere dil ki......

Kuch khali khali sa hai kinara,Majhdar me bheegne mujhe jana hai.
Toofanon se hasrat poori na hui hamari, abke bhanvar se haath aajmana hai.
Chali aa rahi lahrein aagosh me lene, aage jane do mujhe inhe gale lagana hai
Naaz hai sagar ko apni gahrai pe, iski tah ke moti se tan mera sajana hai.


Ud chali meri koshish badal banne, aaj jee bhar ke ise gadgadana hai
Jeevan ki ghata iss kadar barsi,komal man ko drid vraksh ban jana hai
Fal fool karte hain aakarshit,per Mujhe to Iski shakh se jud jana hai
Duniya leti hai fal fool kaam me ,Mali ko to nirantar seenchte jana hai

Ek shakh ka toota hua parn hoon mein,hawa ke saath aaj mujhe udd jana hai. 
Nadi parbat sab paar kiye maine,ab kisi ki kitabon mein kho jana hai
Kho kar mili cheez ka mol nahi,kisi ke kanon me ya kah jana hai
Per Kitab rakhi hai uske sirhane pe,yahi soch soch mujhe itrana hai.........