Unsuljhi paheli....

Uljhanien kuch sulajh jayen to kya,
Kuch unsuljhi rah jayen to kya...
Mahki ye shaam kuch yun ki,
chand lamhon me beet jaye to kya...
Chand lamhe kafi hai jeene ko,
Per inme jindagi beet jaye to kya...

Ye paheli na suljhe to behtar,
na ho jeevan ye nirantar to kya...
ruk ruk kar tukdo mein jeena chahoon,
har ek saans ko mehsoos karna cha hoon to kya..
man chahe me badal doon khud ko,
jo sach me badal jaoon to kya...

Gumshuda hoon is kadar ki main,
jo sach mein khud ko paa jaoon to kya..
Main dhoondhu khud ko sabke beech mein,
per aaj fir bheed me kho jaoon to kya...
Nahi chahti main ki ye paheli suljhe,
jo sab kuch sulajh jaye to ye paheli paheli kya...
aur ye jeena jeena kya....